真懊恼芳心乖宿愿
只说沉二宝推着金姐的背叫他出去，金姐知道这个时候大功已成，便呵呵的笑着走了出去。01bz.cc潘侯爷见他走了，自然要和沉二宝亲热一番，软语温存，柔情婉转，那相爱的情愫自然是十分熨贴，百倍缠绵，也不必去说他的了。
到了明天，潘侯爷拿着一张四千块钱的庄票，要给沉二宝还债，却婉婉的对他说道：“你不肯拿我的钱，自然是和我真心要好。但是这个里头也有一个分别，若是你不欠什么债务，有心敲我的竹杠问我要钱，自然对我不起。如今你委实欠了一身的债，我又不是没有钱的人，我们两个人这样的交情，理应和你代还债项，算不得是敲我的竹杠。况且是我自家愿意给你，又不是你问我索取的，你受了怕什么？”
沉二宝听了，正颜厉色的说道：“潘大人，阿有处请耐照应点倪，勿要实梗。倪欠别人家格铜钿末，等倪自家去想法子。耐要搭倪还债末，慢慢叫末哉，故歇用勿着。”
潘侯爷见他说得这样侃侃凿凿的定不肯受，心上更加欣服，暗想：如今上海堂子里头居然也有这样的人。01bz.cc便也正色问道：“你一定不肯受我的钱，究竟是个什么道理？你倒要讲给我听听！难道你剪我不起，所以不要受我的钱么？”沈二宝把金莲一顿道：“耐格人真正缠煞哉！倪要看耐勿起末，也勿要搳脱仔几几化化客人，独做耐一千仔哉嘛！”潘侯爷道：“既然不是嘛我不起，为什么不肯受我的钱？”
沉二宝呆着个脸不肯说。潘侯爷再三追问，方才叹一口气道：“老实搭耐说仔罢，倪格做耐潘大人，勿是为啥铜钿，也勿是为啥势利。格辰光倪搭耐刚刚碰头，心浪向就有仔耐实梗一个人，一径丢耐勿脱。耐吃仔一台酒，一径勿来，倪心浪末牵记煞，面孔浪末说勿出。倪碰着格客人几几化化，一塌刮仔才勿来浪倪心浪。独独看见仔耐，像煞心浪有一种说勿出格念头，总归耐说一句闲话，跑一步路，你看仔总归呒啥勿对劲。格个里向，连搭仔倪自家也说勿出是啥格讲究。直到仔今年马路浪碰着仔耐，承耐格情看倪得起，搭倪也蛮要好，别人家看仔倪两家头总说呒啥希，洛里晓得倪心浪格事体。老实说，耐要倪那哼，只要耐说一声，倪总呒啥勿肯。故歇耐晓得倪欠仔亏空，搭倪还债，拨别人家看起来，好象倪搭耐要好才是假格，为仔自家欠仔别人家格债，呒说法洛，有心骗耐搭倪要好，叫耐搭倪还债。耐想拨俚笃一说，倪阿要难为情。就是耐自家心浪想起来，也要勿相信格呀！总当仔倪搭金姐两家头串通仔调耐格枪花，倪就生仔一百张嘴，也搭耐讲勿明白嘛。实梗洛倪情愿自家去想法子，勿要搭倪还啥格债，等别人家看看倪到底阿是格号只认得铜钿勿认得人格人。”
这几句话儿，真个说得来恩上加恩，爱中添爱。潘侯爷听了，不由得满面添花的道：“你的话虽然不错，但是你现在欠着别人的债项，这是讲不来的。我不知道也还罢了，我既然知道了，这件事情那有不和你还的道理？若是你一定不肯受，那就倒反不是真心和我要好，好象是假意撇清的了。”沉二宝听了，低着头沉吟一会，叹一口气道：“说起来，倪做仔生意，客人拨倪洋钿，阿有啥勿要格道理？不过今朝拿仔耐格洋钿，拨别人家说起来，总归说倪有心做仔圈套，敲耐格竹杠。轧实倪搭耐两家头要好，是样式样对劲仔格要好，勿是为啥洋钿勿洋钿。故歇实梗一来，像煞仔倪想耐格洋钿洛，格外巴结。轧实倪也勿是格号勿要面孔格人，耐也勿是格号碰碰上当的曲辫子，俚笃洛里晓得？”
潘侯爷听沉二宝说他不是轻易会上当的曲辫子，心上更觉合拍，便又对他说道：“你的话儿都是多虑，别人说你不是真心和我要好，只顾凭他们去说就是了。只要我自己心上明白，别人的讲论何必再去管他？如今你的真心我也知道的了，若要叫我看着你欠了一身的债，不来和你想个法儿，非但我心上过不去，你叫我的面子上也怎么的下得去？你们当倌人的人若真个一个钱不要，又何必要做什么生意？”
沉二宝正色道：“潘大人，耐倒勿要实梗说。倪吃仔格碗把势饭，做客人也有几等几样做法格呀！老实搭耐说，格个客人要是搭倪勿对劲格，等俚去多用脱两个铜钿，心浪像煞开心点。碰着仔搭倪对劲格客人，像煞俚多用仔一个铜钿，倪心浪总归有点勿舒齐。勿是啥吃仔把势饭，就拿铜钿买得动格。买倪格身体倒呒啥希，要买倪格心倒勿容易嚏！耐总当仔倪做倌人格末，总归只认得铜钿，勿认得交情，格末耐真正看错仔人哉！”
